प्राचीन मंदिरे, वांबोरी, ता. राहुरी –
अहमदनगर जिल्ह्यातील वांबोरी हे शेतीप्रधान गाव, वांबोरी येथे वाल्मिकींनी वाम तीर्थावर रामायण लिहिल्याची आख्यायिका आहे. गर्भगिरीच्या डोंगररांगातून मांजरसुंबा आणि रामेश्वर यांच्या बरोबर मधून वांबोरी घाटातून खाली उतरले की वांबोरी गावात जाऊन पोहोचतो, अहमदनगर शहरापासून गावाचे अंतर २५ किमी असून गावात गेल्यानंतर निजामशाही राजवटीच्या पाऊलखुणा जपणारा ‘मांजरसुंबागड’ आपले लक्ष वेधून घेतो.प्राचीन मंदिरे वांबोरी.
याच वांबोरी गावात अहिल्याबाई होळकरांनी बांधलेले वाल्मीकि तीर्थक्षेत्र आणि यादवकालीन पुरातन पडझड झालेले काही मंदिरांचे अवशेष दिसून येतात, मंदिरांच्या बांधणीवरून मंदिरे साधारण बाराव्या तेराव्या शतकात बांधली असावीत असे वाटते. मंदिर परिसरात एक भव्य बारव असून आजूबाजूला काही अज्ञात महापुरुषांच्या समाध्या आहेत. परिसरात काही विरगळींचे अवशेष देखील आपल्याला नजरेस पडतात. परिसर शांत व सुंदर असून आवर्जून भेट द्यावी असे हे ठिकाण आहे.
Rohan Gadekar