ठोसेघर धबधबा

मुख्य धबधब्याच्या मागे छोटा धबधबा आहे. तिथं दोन धबधबे आहेत. एक मोठा व एक लहान. धबधबे बघायला दोन वेगवेगळ्या दिशेला पायऱ्या उतरून खाली जावं लागतं व परत चढून येऊन दुसऱ्या धबधब्याकडे उतरावं लागतं.

मोठा धबधबा कडे पायऱ्या उतरून आल्यावर तिथे सुरक्षित बांधलेली गॅलरी आहे तेथून दरीच्या समोरच्या बाजुच्या डोंगराच्या भिंतीवरून ऊंचावरून कोसळणारा मोठा धबधबा दिसतो. इंग्रजी U आकाराची संपूर्ण दरी, दरीतली व समोरच्या डोंगरभींतीवरील हिरवळ, दरीचा तळ, धबधब्या खालचा डोह, त्यातुन वाहणारी दरीच्या तळातील नदी हे सगळं सुंदर दृश्य आपल्याला वेडच लावतं.

मोठ्या धबधब्या जवळूनच लहान धबधब्या कडे जाण्याचा मार्ग आहे. खाली पोहचल्यावर आपल्या समोरच लहान धबधबाचा प्रवाह हा समोर कड्यावरून खाली दरीत कोसळतांना दिसतो. दरीच्या तळात कोसळणाऱ्या पाण्यामुळे डोह बनला आहे. या लहान धबधब्याच्या वाहत्या धारेच्या खाली मागच्या बाजूला एक गुहा असून हे स्वयंभू जागृत देवस्थान आहे. या गुहेतून आपल्या पुढे पडणारा धबधबा पाहणे हा एक रोमांचक अनुभव आहे.

दोनही धबधबे पाहण्यासाठी अनेक पायऱ्या चढून उतरून यावे लागते. त्यामुळे शारीरिक तंदुरुस्तीचा विचार करून हे बघण्याचा निर्णय घ्या. दरवर्षी हजारो पर्यटक आवर्जून इथे येतात आणि तिथल्या निसर्गसौन्दार्याचा आनंद लुटतात. आपण हि एकदा नक्की भेट द्या.

माहिती साभार – माझी भटकंती / Maazi Bhatkanti